Заглавная страница Избранные статьи Случайная статья Познавательные статьи Новые добавления Обратная связь КАТЕГОРИИ: АрхеологияБиология Генетика География Информатика История Логика Маркетинг Математика Менеджмент Механика Педагогика Религия Социология Технологии Физика Философия Финансы Химия Экология ТОП 10 на сайте Приготовление дезинфицирующих растворов различной концентрацииТехника нижней прямой подачи мяча. Франко-прусская война (причины и последствия) Организация работы процедурного кабинета Смысловое и механическое запоминание, их место и роль в усвоении знаний Коммуникативные барьеры и пути их преодоления Обработка изделий медицинского назначения многократного применения Образцы текста публицистического стиля Четыре типа изменения баланса Задачи с ответами для Всероссийской олимпиады по праву Мы поможем в написании ваших работ! ЗНАЕТЕ ЛИ ВЫ?
Влияние общества на человека
Приготовление дезинфицирующих растворов различной концентрации Практические работы по географии для 6 класса Организация работы процедурного кабинета Изменения в неживой природе осенью Уборка процедурного кабинета Сольфеджио. Все правила по сольфеджио Балочные системы. Определение реакций опор и моментов защемления |
Уставные грамоты Ростислава.
I Во имя Отца и Сына и Святаго Духа. Бог и Святая Богородица и отца моего молитва, приведох епископа Смоленску, сдумав с людми своими, по повелению отца своего святого, еже хотев при животе своем сътворити; но есть зде первее сего не бывало епископьи, да яз недостойный, грешный, се уставляю епископью, о нем же епископу быти живу и с клиросом своим, в свои дни и во свое княженье, еже ми Бог дал и отча молитва. А се даю Святей Богородици и епископу прощеники, с медом, и с кунами, и с вирою и с продажами, и не надобе им судити никакому же человеку. И се даю Святей Богородици и епископу десятину от всех даней смоленских, что ся в них сходит истых кун, кроме продажи, и кроме виры, и кроме полюдья: у Вержавлянех у Великих 9 погост, а в тех погостех платит ктож свою дань и передмер истужници, по силе, кто что мога, а в тех погостех а некоторый погибнет, то ти и десятины убудет, а в тых погостех сходится дани осмъсот гривен, а передмера сто гривен, а на истужницех сто гривен, то ти из того взяти епископу к Святей Богородици сто гривен; а во Врочницех двести гривен, то ти из того взяти епископу 20 гривен; а в Торопче дани четыреста гривен, а епископу с того взяти 40 гривен; а в Жижци дани 130 гривен, а с того епископу взяти 13 гривен; а в Каспли 100 гривен, а из того епископу взяти 10 гривен; а в Хотшине дани 200 гривен, а из того епископу взяти 20 гривен а в Жабачеве дани 200 гривен, а из того епископу взяти 20 гривен; а в Воторовичи дани 100 гривен, а из того епископу взяти 10 гривен; а в Шуйспеи (Шуйскеи) дани 80 гривен а из того епископу 8 гривен; а в Дешнянюх 30 гривен, а из того епископу три гривны; а в Ветьскеи дани 40 гривен, а из того епископу четыре гривны; а на Былеве дани 20 гривен, а и епископу из того 2 гривны; а в Бортницех на оной стороне 40 гривен, а из того епископу 4 гривны; а в Витрине дани 30 гривен, а из того епископу три гривны; в Жидчичих 10 гривен, а из того епископу гривна; в Басеи 15 гривен, а и епископу из того полторы гривны; в Ми-{255}рятичех дани 10 гривен, а епископу из того гривна; в Добрятине дани 30 гривен, а епископу из того три гривны; в Доброчкове дани 20 гривен, а из того епископу две гривне; в Бобровницех дани 10 гривен, а из того епископу гривна; на Дедогостичех 10 гривен, а из того епископу гривна; а в Зарубе дани 30 гривен, а из того епископу 3 гривны; а в Женни дани 200 гривен у Велицей, из того Святей Богородици и епископу 20 гривен; в Пацине дани 30 гривен, а из того епископу три гривны, а в гостиней дани неведомо, а что ся сойдет, из того Святей Богородицы и епископу десятина; в Солодовницех 20 гривен, из того Святей Богородици и епископу две гривны; на Путтине присно платят четыри гривны; Беници 2 гривны, коромити полпяты гривны, Дедичи и дань и вира 15 гривн, гость 7 гривен, а из того Святей Богородици и епископу три гривны без семи ногат; на Копысе полюдья четыри гривны, а корчьмити неведомо, но что ся сойдеть, из того десятина Святей Бородици; на Прупои 10 гривен, а из того епископу гривна, а в корчмитех не ведати, но что ся сойдеть, из того десятина Святей Богородици; у Кречюта дани 10 гривен, а Святей Богородици и епископу гривна; в Лучине полюдья... гривны, а мыта и корчмити неведомо, но что ся снидет, из того епископу десятина; во Оболви гостинная дань, и что ся в ней снидется, из того Святей Богородици и епископу десятина; во Исконе дани 40 гривен, а из того Святей Богородици и епископу 4 гривны; Суждали Залесская дань, аже воротить Гюгри, а что будеть в ней, из того Святей Богородици десятина; у Вержавску в городе три гривны десятина Святей Богородици; в Лодейницех 10 гривен дани, а из того гривна Святей Богородици. И се даю из Торопча от всех рыб, иже идеть ко мне, десятину Святей Богородици и епископу;... жизця (из Жизця) такоже от всех рыб, иже идеть ко мне, десятину Святей Богородици и епископу;... что ся наречеть области Смоленское, или мала или велика дань, любо княжа, любо княгинина, или чия сия хотя, правити десятину Святей Богородици, без всякого отпису деяти. Село Дросенское, со изгои и с землею, Святей Богородици и епископу и село Ясенское, и с бортником и с землею и с исгои, Святей Богородици; и се есми дал землю в Погоновичох Мойшинскую Святей Богородици и епископу, и озера Нимикорская и с сеножатми, и уезд княж, и на Сверковых Луках {256} сеножати, и уезд княж, озеро Колодарское Святей Богородици. И се даю на посвет Святей Богородици, из двора своего, осм капий воску и на горе огород, с капустником и с женою и с детми, за рекою, тетеревник с женою и с детми, Святей Богородици и епископу. Бысть мое сотщание к Святей Богородици, по повелению святого отца моего, чтож мога, тож даю. А тяж епископлих не судити никомуже, судит их сам епископ: первая тяжа роспуст; другая тяжа аж водить кто две жоне; третья тяжа аще кто поимется чрез закон; а четвертая уволочская, аж уволочет кто девку, што возметь князь, с епископом на полы, или посадник что възметь свои тяжи, то с епископом на полы; а пятое аж ту женку, то епископу; жестая вопрос, а то епископу, зелья и душегубства тяжа епископля; седьмая аж две жене, то епископля тяжа, аж церковный человек зайдет чего, то своему епископу; девятая аж кого Бог отведет церковных людей, а не будет зла ничего церкви. Да яз молвлю и уставил есми епископью, поручен Смоленеск Богом и деднею и отцовою молитвою, де се яз князь Ростислав с первым епископом своим Манойлом, да се уставляю яз. Аж будеть или тяжа, или продажа епископля, да ненадобе ни князю, ни посаднику, ни тивуну, ни иному никомуже от мала и до велика, и по всей волости Смоленской. Се же ныне с Божью помощью и со Святою Бородицею, в си дни полны дани, а посем что Бог устроит: по Божью строю чи которая дань оскудееть, или коим образом, по силе что почнеть давати тыи дани, а из того десятина Святей Богородици. Да сего не посуживай никтоже по моих днех, ни князь, ни людие; аще ли кто посудить сея грамоты, что есми дал к Святей Богородицы, да той отвечает в страшный день Святей Богородици, и сия клятва будет на нем, а яз буду без греха. Паки ли приложить кто сию епископью опять к Переяславстей епископьи, завистию, переступя слово святого митрополита Русского Михаила, а разрушить сию епископью Смоленскую: то князь отъиметь свое опять, еже был уставил епископу пристраивати Святей Богородици, даж кто разрушить сей замысл святого отца моего Мьстислава и митрополита Русского Михаила. Се яз, грешный сын Мьстиславль, надеясь на Матерь Божью на Святую Богородицу, уставляю сию епископью; даж кто разрушить ю, да сам отвечает Святей Богородици, и сия клятва Святых Отець буди на нем, а язь буду без греха. {257}
II Се яз худый и грешный и недостойный епископ Маноил, с благородным и христолюбивым князем моим Михаилом утвержаеве еже написана, утвержена и сотворена, о благодати и благословением Святого Духа поставлеником моим митрополитом Русским кир Михаилом, при благовернем и христолюбивем князи моем Кир Михаиле, и утвердил устав церковный, именем Ростислав, по отца своего святого молитвы и по повелению его, уставил есть епископью Смоленскую. Даж кто по моем князи или по мне, переступить или посудить сию грамоту и устав ось, или князь или ин кто, да будеть ему Бог противен в день судный, иСвятая Богородица, да будет проклят от святых Апостол и Святых Отец 300 и 18, иже повелеша: в кый град достоить епископу быти, да поставять и от всех Святых, аще кто разрушить се, да будеть проклят. Или епископ который начнеть, несытством, хотя ити в Переяславль и сию епископью приложити к Переяславлю, да буди ему клятва, яже се преже писана и святого митрополита Русского Михаила, иже составил сию епископью; или отдасть что и не правити иметь Святей Богородици, еже есть написано зде, буди ему тая же клятва и буди ему анафема. И се еще и Холм даю Святей Богородици и епископу, якоже дано дедом моим Володимером Семенови преже епископу строить наряд церковный и утверженье. В лето 6659, индикта 14, месяца сентября 30. III А се погородие от Мьстиславля 6 гривен урока, а почестья гривна и три лисици; а се от Крупля гривна урока, а пять ногат за лисицу; а се от Вержавска две гривне урока, а за три лисици 40 кун без ногаты; а се от Копысы 6 гривен урока и две лисици, а почестья 35 кун; а се от Поциня урока полторы гривны, а за две лисици 22 куне; а от Лучина три гривны урока, и две лисици, и осетр; а се от Ростиславля три гривны, а почестья гривна и четыри лисици; от Елны урока три гривны и лисица; а Изяславлее..., а у Торопчи урока 40 гривен и 15 лисиц и 10 черных кун, невод, тре...ица, бредник, трои сани рыбы, полавачник, две скатерти, три убрусы, берковеск меду; а се в Жижци пять гривен, а почестья гривна и лисица; а у Дорогобужи три гоны короткии, а почестья гривна, а пять лисиц“. Дополнения к Актам Историческим т. I, № 4, стр. 5—8. ———— {258} ГЛАВА V.
|
||||||
Последнее изменение этой страницы: 2017-02-21; просмотров: 233; Нарушение авторского права страницы; Мы поможем в написании вашей работы! infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 3.140.198.43 (0.005 с.) |