Морфология. Орфография. Сёрни культура. 


Мы поможем в написании ваших работ!



ЗНАЕТЕ ЛИ ВЫ?

Морфология. Орфография. Сёрни культура.



Кадакыв.

I. Кадакывйыслысь V – VI классъясын велöдöмтор мöдпöвъёвтöм.

Действие мунаннног петкöдлöм. - ышт -, - лывл -, - ывл, - ав / - ал, / -лы суффиксъяс, налöн вежöртасъяс.

Кадакывлöн залог йылысь понятие. Каузатив залог, сылöн вежöртас, сiйöс петкöдлöм. Рефлексив залог, сылöн вежöртасъяс, сылöн -сь, , - зь, - ась, - ысь суффиксъяс.

II. Действие мунанног петкöдлыны кужöм. Каузативнöй кадакывъясöн вöдитчыны кужöм. Рефлексив залога кадакывъясöн вöдитчыны кужöм.

III. Кужны вуджöдны роч кыв вылö каузативнöй кадакывъяс. Кужны вöдитчыны комиа-роча, роча-комиа кывкудъясöн.

 

Шöркыв.

 

I. Шöркыв кыдз кадакывъяслöн аслыссяма форма.

Шöркывлöн вежöртас, морфологическöй признакъяс, синтаксическöй тöдчанлун.

Шöркыв артмöдысь суффиксъяс да найöс гижанног.

Шöркывъя тэчас (причастнöй оборот) йылысь понятие.

Шöркывъяслöн, шöркывъя тэчасъяслöн текст артмöдöмын тöдчанлун.

II. Сёрниын да гижöдын шöркывъя тэчасъясöн вöдитчыны кужöм. Шöркыв кывбердысь торйöдны кужöм.

Шöркывйöн сёрникузяяс артмöдны кужöм; шöркывъяссö, шöркывъя тэчасъяссö текстысь аддзыны кужöм.

III. Мортöс ортсы боксянь серпасалöм: текстлöн тэчас, кывйыслöн аслыспöлöслунъяс (на лыдын и специальнöй «портретнöй» кывъяс). Мортöс ортсы боксянь серпасалысь сетöм текст ас кывйöн висьталöм. Текстысь мортöс серпасалысь юкöн торйöдöм да сiйöс ас кывйöн висьталöм. Тöдсаöс ас впечатление серти либö кодöскö фотография серти ортсы боксянь серпасалöм.

Публичнöй общественно-политическöй сёрнилöн (выступлениеяслöн) сикасъяс. Налöн тэчас.

 

Ногакыв.

(___ час)

 

I. V – VI классъясын кадакыв йылысь тöдöмлунъяс мöдпöвъёвтöм.

Ногакыв кыдз кадакывлöн аслыссяма форма, сылöн вежöртас, морфологическöй признакъяс. Сёрникузяын ногакывлöн синтаксическöй тöдчанлун. Ногакывлöн текст артмöдöмын тöдчанлун.

Ногакыв артмöдысь суффиксъяс, налöн вежöртас, найöс гижанног.

Ногакывъя тэчас (деепричастнöй оборот) йылысь понятие.

II. Ногакывйöн гижöда да вомгора сёрниын вöдитчыны кужöм. Ногакыв суффиксъяслысь вежöртасъяс тöдöм. Разнöй вежöртаса суффиксъяса ногакывъясöн вöдитчыны кужöм. Ногакывъясöн сёрникузяяс лöсьöдны кужöм. Гижöда да вомгора ногакывъя тэчасъясöн вöдитчыны кужöм.

III. Картина серти висьт.

 

Урчитан.

(___ час)

I. Урчитан кыдз кывсикас. Сылöн вежöртас, грамматическöй признакъяс. Сёрникузяын урчитанлöн синтаксическöй тöдчанлун. Текст артмöдöмын урчитанлöн тöдчанлун.

Урчитанлöн вежöртас серти сикасъяс.

Урчитанлöн öткодялан тшупöдъяс. Налöн вежöртас, артманног да гижанног.

Урчитанлöн артмöм.

Урчитанъяс гижöм.

II. Гижöда да вомгора сёрниын урчитанъясöн вöдитчыны кужöм. Сёрниын урчитан-синонимъясöн да урчитан-антонимъясöн вöдитчыны кужöм. Синонимъяс, антонимъяс кывчукöръясысь урчитан-синонимъяс да антонимъяс аддзыны кужöм.

III. Действиеяс кыдз текст сикас серпасалöм: текстлöн тэчас, кывйыслöн аслыспöлöслунъяс. Действиеяс серпасалысь сетöм текст ас кывйöн висьталöм.

 

Состояние категория.

(___ час)

I. Состояние категория йылысь понятие. Сылöн кывбердъясысь, урчитанъясысь торъялöм. Состояние категорияö пырысь кывъяслöн синтаксическöй тöдчанлун. Налöн вежöртас.

II. Состояние категорияö пырысь кывъяс кывбердъясысь да урчитанъясысь торйöдны кужöм. Тайö кывъяснас сёрниын вöдитчыны кужöм.

III. Мортлысь либö вöр-ва состояние серпасалысь текст ас кывйöн висьталöм.

Абу асшöр кывсикасъяс. Сёрни культура.

Кывбöр.

(___ час)

 

I. Кывбöр кыдз абу асшöр (служебнöй) кывсикас. Вежöртас серти кывбöрлöн сикасъяс. Сёрникузяын кывбöръяслöн синтаксическöй тöдчанлун. Текст артмöдöмын кывбöръяслöн тöдчанлун.

II. Кывбöръясöн, налысь вежöртассö тöд вылын кутöмöн, сёрниын да гижöдын вöдитчыны кужöм. Кывбöръяс асшöр кывсикасъяскöд гижны кужöм. Кывбöръясöн да вежлöг формаясöн кыдз грамматическöй синонимъясöн вöдитчыны кужöм.

III. Лыддьöмтор подув вылын ас нимсянь висьталöм. Картина вылысь аддзöмтор подув вылын висьт.

Союз.

(___ час)

I. Союз кыдз абу асшöр кывсикас. Сёрникузяын союзъяслöн синтаксическöй тöдчанлун. Прöстöй да составнöй союзъяс. Сочинение да подчинение союзъяс. Öтвывтана, торйöдана, паныд сувтöдана сочинение союзъяс. Сочинение союзъясöн прöстöй да сложнöй сёрникузяын вöдитчöм. Подчинение союзъясöн сложнöй сёрникузяын вöдитчöм. Текст артмöдöмын союзъяслöн тöдчанлун. Союзъяс гижанног.

II. Сёрниын союз-синонимъясöн вöдитчöм. Союзъяслысь вежöртасъяс тöдöм.

III. Дискуссионнöй тема вылö вомгора рассуждение; сылöн кывйыслöн аслыспöлöслун.

 

Кывтор.

(___ час)

I. Кывтор кыдз абу асшöр кывсикас. Кывторъяслöн морфологическöй признакъяс. Сёрникузяын кывторъяслöн синтаксическöй тöдчанлун. Форма артмöдысь да вежöртаса смыслöвöй кывторъяс. Текст артмöдöмын кывторъяслöн тöдчанлун.

Вежöртас серти кывторъяслöн сикасъяс.

Кывторъяс гижанног.

II. Модальнöй кывторъяса сёрникузяяс выразительнöя лыддьöм. Уна сикас вежöртаса кывторъясöн сёрниын вöдитчыны кужöм.

III. Сетöм сюжет серти висьт.

 

Междометие. Звукоподражательнöй кывъяс.

(___ час)

 

I. Междометие кыдз кывсикас. Сёрникузяын междометиеяслöн синтаксическöй тöдчанлун.

Звукоподражательнöй кывъяс. Найöс междометиеясысь торйöдöм.

Междометиеясын дефис. Шуанногöн междометиеяс торйöдöм. Междометие бöрын запятая либö горöдан пас сувтöдöм.

II. Междометиеа сёрникузя выразительнöя лыддьöм.

 

VII классын велöдöмтор мöдпöвъёвтöм да систематизируйтöм.

(___ час)

 

Морально-этическöй тема вылö сочинение-рассуждение либö тайö тема вылö публичнöй сёрнитöм (выступление).

 

Велöдчысьясöн VII классын босьтöм тöдöмлунъяс, кужöмлунъяс да навыкъяс дорö корöмъяс.

 

I. Велöдчысьяс долженöсь тöдны VII классын велöдöм кыв явлениеяслысь определениеяс, сёрникöд йитчöм определениеяс, орфография да пунктуация правилöяс, кужны подулавны ассьыныс вочакывъяссö, вайöдны колана видлöгъяс. Велöдчысьяслы колö тöдны велöдöм асшöр да абу асшöр кывсикасъяс, тöдны налысь морфологическöй признакъяссö, кужны найöс аддзыны-торйöдны текстысь. Правильнöя гижны кывсикасъяс.

II. VII класс помын велöдчысьяслöн долженöсь лоны татшöм кужöмлунъяс да навыкъяс:

– кужны кывсикасъяс видлавны морфология боксянь, ногакывъя тэчаса да шöркывъя тэчаса сёрникузяяс видлавны синтаксис боксянь, видлавны велöдöм нин союзъяса сложнöй сёрникузяяс;

– кужны лöсьöдны шöркывъя тэчаса да ногакывъя тэчаса сёрникузяяс;

– кужны артмöдавны каузативнöй да рефлексив залогъяса кадакывъяс да вöдитчыны наöн;

– тöдны да кужны вöдитчыны гижöд кыв нормаясöн.

Орфографияысь. Торъякывъясысь аддзыны велöдöм нин орфограммаяс, подулавны найöс; правильнöя гижны велöдöм орфограммаяс вылö торъякывъяс; аддзыны да бырöдны орфографическöй öшыбкаяс.

Пунктуацияысь. Кужны сувтöдавны велöдöм нин правилöяс серти пунктуация пасъяс.

Йитöда сёрниысь. Кужны лöсьöдны торъя темаяс вылö публицистическöй стильлы лöсялана текстъяс, гöгöрвоны татшöм текстъяссö. Подробнöя да дженьыда ас кывйöн висьтавны мортöс серпасалана юкöнъяса повествовательнöй текстъяс. Мортöс, уджалöм, велöдчöм серпасавны; сетöм сюжетъяс серти гижны висьтъяс; гижны рассуждение-сочинениеяс.

Литературнöй персонаж гижöмöн характеризуйтöм.

Стöча, грамотнöя висьтавны вöвлöм лоöмторъяс (событиеяс) йылысь, подулавны ассьыныс кывкöртöдъяссö.

 

VIII КЛАСС



Поделиться:


Последнее изменение этой страницы: 2016-09-13; просмотров: 165; Нарушение авторского права страницы; Мы поможем в написании вашей работы!

infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 3.238.228.191 (0.058 с.)