Слава Тебе, боже нашъ, слава Тебе. 


Мы поможем в написании ваших работ!



ЗНАЕТЕ ЛИ ВЫ?

Слава Тебе, боже нашъ, слава Тебе.



Царю Небесный, Утешителю, Душе истины, Иже везде сый, и вся исполняяй, Сокровище благихъ, и жизни Подателю, прииди и вселися в ны, и очисти ны всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй насъ. (трижды, съ крестнымъ знамениемъ и пояснымъ поклономъ)

Слава Отцу и Сыну и Святому Духу, и ныне и присно и вовеки вековъ. Аминь.

Пресвятая Троице, помилуй насъ, Господи, очисти грехи наша, Владыко, прости беззакония наша, Святый, посети и исцели немощи наша имене Твоего ради.

Господи, помилуй. (трижды)

Слава Отцу и Сыну и Святому Духу, и ныне и присно и вовеки вековъ. Аминь.

Отче нашъ, Иже еси на небесехъ! Да святится имя Твое, да приидетъ Царствие Твое, да будетъ воля Твоя, яко на небеси и на земли. Хлебъ нашъ насущный даждь намъ днесь; и остави намъ долги наша, якоже и мы оставляемъ должникомъ нашимъ; и не введи насъ во искушение, но избави насъ лукаваго.

Господи, помилуй. (12 разъ)

Слава Отцу и Сыну и Святому Духу, и ныне и присно и вовеки вековъ. Аминь.

Приидите, поклонимся Цареви нашему Богу. (поклонъ)

Приидите, поклонимся и припадемъ Христу, Цареви нашему Богу. (поклонъ)

Приидите, поклонимся и припадемъ Самому Христу, Цареви и Богу нашему. (поклонъ)

 

 

Псаломъ 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во славесех Твоих, и победиши внегда судити Ти. Се бо, в беззакониях зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом владычним утверди мя. Научу беззаконыя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.

Символ веры

Верую во единаго Бога Отца, Вседержителя,

Творца небу и земли, видимым же всем и невидимым.

И во единаго Господа Иисуса Христа,

Сына Божия, Единороднаго, Иже от Отца рожденнаго прежде всех век;

Света от Света, Бога истинна от Бога истинна,

Рожденна, несотворенна, единосущна Отцу, Имже вся быша.

Нас ради человек и нашего ради спасения сшедшаго с небес

И воплотившагося от Духа Свята и Марии Девы, и вочеловечшася.

Распятаго же за ны при Понтийстем Пилате, и страдавша, и погребенна.

И воскресшаго в третий день по Писанием. И возшедшаго на небеса, и седящаодесную Отца. И паки грядущаго со славою судити живым и мертвым,Егоже Царствию не будет конца.

И в Духа Святаго, Господа животворящаго, Иже от Отца исходящаго,

Иже со Отцем и Сыном спокланяема и сславима, глаголавшего пророки.

Во едину Святую, Соборную и Апостольскую Церковь.

Исповедую едино крещение во оставление грехов.

Чаю воскресения мертвых, и жизни будущаго века. Аминь


Канонъ

Молебный Господу нашему Иисусу Христу, певаемъ во общихъ напастехъ, и въ бездождии, въ гладъ и мятежъ и въ сопротивление ветромъ, и въ нашествие иноплеменныхъ, и о всякомъ прошении.

Тропари, гл. 6

Помилуй насъ, Господи, помилуй насъ; всякаго бо ответа недоумеюще, сиюТи молитву яко Владыце грешнии приносимъ: помилуй насъ.

Слава: Господи, помилуй насъ, на Тя бо уповахомъ; не прогневайся на ны зело, ниже помяни беззаконий нашихъ, но призри и нын яко благоутробенъ, и избави ны врагъ нашихъ: Ты бо еси Богъ нашъ, и мы людие Твои, вси дела руку Твоею, и имя Твое призываемъ.

И ныне: Милосердия двери отверзи намъ, благословенная Богородице, надеющиеся на Тя да не погибнемъ, но да избавимся Тобою бедъ: Ты бо вси спасение рода христианскаго.

Гласъ 6

Песнь 1

Ирмосъ: Яко по суху пешешествовавъ Израиль, по бездне стопами, гонителя фараона видя потопляема, Богу победную песнь поимъ вопияше.

Припевъ: Милостив Господи, услыши молитву рабъ Твоихъ, молящихся Тебе.

Общий плач составимъ, братие, возрастъ весь же, чинъ, родъ и племя, и горце воздохнемъ вкупе, и всехъ Творца милостива сотворимъ.

Благоутробия ради милости приведъ, не сущихъ, Владыко, естество древле тленныхъ, и обетшавшее спаслъ еси тления, погибающихъ, и ныне насъ помилуй.

Священствовавъ Свою кровь, Слово Божие, и умираеши яко человекъ, Богъ Сый, насъ ради. Но мы, благодати страшныя Твоея отступающ, зле ныне отриновени быхомъ.

Слава: Законовъ Твоихъ отрицающеся и уставовъ, Христе Боже, безстудне естество оскверняюще, достойныя подъемлемъ язвы, стихиямъ естественнаго изступльшимъ чина.

И ныне, Богородиченъ: Ужаса и колбания, и страха вся исполнь, праведный зрящи Владыки гневъ. Но Сего милостива намъ, яко Сына Своего и Бога, соделай, Владычице.

Песнь 3

Несть святъ, якоже Ты, Господи Боже мой, вознесый рогъ верныхъ Твоихъ, Блаже, и утвердивый насъ на камени исповедания Твоего.

Адамъ первую заповедь Твою древле преслушавъ, Рая изгнан бысть, и жизни, и Бога. Мы же всехъ вкупе отступльше, ныне умерщвляемся.

Столпъ прежде явися лукавъ, Каин зависти злыя, брата убивъ. Ему же ревнующе ныне мы, стенати и трястися зле якоже онъ, вси осуждени быхомъ.

Зле тварь на ны, зверится и злобитъ чрезъ естество, движущи ополчения естественная, Божий владычний гневъ праведный всемъ возвещающи.

Слава: Скрыся, Владыко Христе, солнечная светлость, удержеся течение обычныхъ дождевъ, суша и тма держитъ, Ты же, Славы Солнце, отвратися.

И ныне: Крепость несть въ насъ, всякаго же дерзновения обнажени быхомъ, вси делы скверными. Ты же, яко Мати Чистая, премееши Владыку всемъ.

Песнь 4

Христосъ моя сила, Богъ и Господь, честная Церковь боголепно поетъ, взывающи смысла чиста, о Господе празднующи.

День, Владыко, гнева и скорби, и не бе день сей, ниже нощь. Иже ныне постиже всехъ насъ пророчески, и несть избавляющаго.

Содомляномъ первее зле разверзе небеса, вопль умножися. Сихъ же затворятъ согрешений множество, ныне намъ въ правду, Владыко.

Угасе солнце, облацы, Владыко, чрезъ естества удержаша дождь. Земля же, стенящи, страшится обнажения своего, и казни предзрящи.

Слава: Видя, Владыко, виждь озлобление людей Твоихъ, и вонми стенаниемъ. Маниемъ устави бурю, и духовомъ сопротивнымъ запрети.

И ныне: Утаившися первее болезней, родила еси всехъ Владыку паче естества. Его же ради болезнь разреши, Чистая, Своихъ людей, уставиши бурю.

Песнь 5

Божиимъ светомъ Твоимъ, Блаже, утренюющихъ Ти души любовию озари, молюся: Тя ведети, Слове Божий, истиннаго Бога, мрака греховнаго взывающа.

Утеснена мя всюду, Давидъ зря грядущ гневъ Божий, возопи. Мы же что сотворимъ, окаянии, пространными обретше, тесно обителище.

Руки якоже избавль фараони древле люди Своя, Благий, разверзъ напрасно бездну, и насъ поганскихъ рукъ исхити, и море утишивъ, ветры укроти.

Быстротамъ нужди, и злыхъ востаний, волнамъ и духовомъ сопротивнымъ запрети, и во утишие да приидутъ Твоимъ повелениемъ, и дерзость да уставится всяка, Человеколюбче.

Слава: Ти на и смрадъ сластей, и всяческихъ согрешений насъ покрыша волны, сего ради раздышут зелне Божественнаго гнева волны, и всехъ насъ потопляютъ.

И ныне: Иже древле, Владычице, Тобою избавльшиися смерти и тли, поганския нужды и скорби, и ныне сия разреши, молимся, людие бо Твои, и достояние мы есмы изрядное.

Песнь 6

Житейское море, воздвизаемое зря напастей бурею, къ тихому пристанищу Твоему притекъ, вопию Ти: возведи тли животъ мой, Многомилостиве.

Плоти первее послужившии, предани быша скверно, потоплению безумнии, имже мы поревновавше ныне зле, плоти бывше тление возвратне подъяхомъ.



Поделиться:


Последнее изменение этой страницы: 2016-04-07; просмотров: 538; Нарушение авторского права страницы; Мы поможем в написании вашей работы!

infopedia.su Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав. Обратная связь - 44.193.77.196 (0.009 с.)